CeraVe

長效保濕防曬面霜 SPF30

多謝 @cosme 邀請試用。

CeraVe嘅呢一款長效保濕防曬面霜係按壓式設計，呢款日間使用嘅面霜添加咗防曬功效，將保濕同防曬二合一，保濕之餘都可以抵擋日間太陽光，紫外線對肌膚嘅傷害。亦都係坊間比較少見將兩者二合一嘅面霜。
CeraVe採用咗不致粉刺性低敏配方，冇添加香料、酒精、Paraben，通過敏感測試。所以搽完之後唔會堵塞毛孔，唔驚因為護膚品有敏感成份所以導致有粉刺暗瘡出現嘅問題。

搽咗呢款防曬面霜之後再化妝，都唔會有浮粉問題出現，但係出咗街去到中午，會有啲出油情況，控油方面未必做得太好。但係肌膚依然係唔會感覺到乾，有長效保濕嘅感覺。