CeraVe

全效保濕修護眼霜

有幸被抽中試用CeraVe嘅3樣產品，包括晚上用 - 長效保濕面霜、日間用 - 長效保濕防曬面霜 SPF30同全效保濕修護眼霜。

鍾意晚上用 - 長效保濕面霜嘅質感，易推易吸收，最近天氣潮濕，唔想再搽太厚重嘅護膚品喺面上，呢個產品完全符合我嘅需要，而且晚晚開冷氣都覺得唔會覺得乾，都夠保濕。加上啱啱轉季敏感，用完呢個產品冇再敏感，所以就算冇試用品之後都會自費買。

日間用 - 長效保濕防曬面霜 SPF30質地同晚上用 - 長效保濕面霜嘅質感差唔多，都係易推易吸收。用之前我會照用返自己嘅護膚品，但都唔會起擦膠碎，而且唔笠，好啱香港嘅天氣用。

全效保濕修護眼霜質地會厚dd，但都係易推，不過因為本身黑眼圈同眼腫情況都幾嚴重，暫時用咗一個禮拜未見有改善，需要再用耐少少先知係咪真係有用。

總結係咁嘅價錢有咁嘅效果係可以自費回購。