Curél

控油保濕毛孔細緻底霜

今次試用嘅產品係Curél嘅控油保濕毛孔細緻底霜Powder in Balm
本身皮膚係混合性偏乾，鼻翼兩邊毛孔明顯，額頭同鼻附近位置容易出汗，就算個妝化得幾好，落到街冇耐都會因為出汗而溶咗，之前試過好多定妝產品都hold唔住，所以今次都係抱住一試無妨嘅心態去試依件產品。
根據包裝指示，正常用哂所有護膚品，喺搽防曬之前用，包裝入面有教要向咩方向推開。說明指示話成塊面用2cm，但個人認為用1.5cm都夠用。質地偏厚，但好易推開同唔會笠。上面之後會覺得皮膚變咗霧面，好似上咗層蜜粉咁。即時睇到鼻翼兩邊毛孔唔明顯，同時細紋都有撫平到。之後用防曬同上妝都貼服咗，皮膚好似好光滑。
落到街依然係容易出汗，但感覺唔會好似之前咁快溶妝。之前係到中午已經覺得額頭位置有d乾，但用咗依個產品之後冇感到乾，感覺仲係有層保護膜咁，有鎖住水份。但唔會覺得T字位油笠笠無油光，感覺好啱夏天/香港天氣用。睇返包裝，原來因為有獨特配方，可以吸收汗水同油脂，防止黏笠感同溶妝，意外地真係做到咁嘅效果本身可以夜晚用，係一般護膚品嚟，但暫時都只係當妝前乳液咁用，未知夜晚用會唔會有其他意外驚喜。原價百幾蚊嘅價錢有咁嘅效果，之後都會自費回購當妝前乳液用