CeraVe

SA水楊酸煥膚潔膚露

多謝@cosme嘅試用邀請！一次試到CeraVe 3支唔一樣嘅潔面產品。呢支水楊酸煥膚潔膚露我一直想試好耐，今次終於有機會體驗到。
眾所周知水楊酸嘅功用係去角質，咁啱呢排因為天氣唔穩定，我鼻樑附近起咗一堆粗粒，正好可以試下佢嘅效果。
我嘅用法係連續7日夜晚卸妝後用，吱出嚟係透明啫喱，加水之後會變成好綿密嘅乳霜質地。用咗呢幾日感覺暗粒都有收細咗。而且本身因為天氣悶熱而焗出嚟嘅泛紅敏感都減少咗，早晚都用CeraVe嘅洗面產品嘅呢一個星期，皮膚整體恢復穩定嘅速度有變快咗。可能呢支本身有添加透明質酸，就算係水楊酸產品用完都依然覺得足夠嘅補濕！