Bioré

瞬間極淨卸妝油

卸妝效果比想像中好 連mac眼線液都卸到接觸到卸妝油個刻 化妝品真係瞬間就浮起粉底液同遮瑕最為明顯除左4U2 lip tint 粉底眼線液眉筆遮瑕睫毛液 全部都卸得好乾淨 同埋卸妝油質地好輕盈 仲要好易過水 用後皮膚好清爽唔繃緊 非常溫和唔刺激 仲有淡淡清新花香 唯一缺點係有d刺激眼睛 彩妝瞬間飄浮技術真係好正 輕輕鬆鬆就可以卸妝 同埋唔洗捽唔洗乳化 卸妝油按上面等一陣 溶解左化妝品浮起左 然後過水就攪掂 避免左過度按摩拉扯皮膚 之前卸妝近耳仔位會成日忽略 卸得唔乾淨攪到生粒粒 宜家用左哩款卸妝油就唔怕喇

買咗噴霧裝～勁方便！！呢支嘢據有彩妝瞬間飄浮技術～噴一噴上臉～彩妝就會浮出嚟～沖涼時順便過水就得～連手都唔使整污糟～而且確係缷得幾乾淨～真係懶人恩物嚟！！

質地清爽，唔會油膩，清潔度還可以，但係只限於面部妝容，眼部化妝未如理想需要另外用眼部卸妝產品，而且會刺眼，所以要小心用

質地輕盈 容易推開 過水即爽 價錢平 容易買到 唯一嘅缺點係佢嘅氣味唔係太好聞

我呢支係日本買嘅金木犀版，聞起上嚟雖然唔似桂花，但都係好香嘅花香。呢支卸妝油嘅質地好輕盈，捽幾下就可以將日常妝洗得好乾淨。如果冇用d太難卸防水嘅野我會就咁用呢支都可以成塊臉卸乾淨，洗完都會有少少滋潤度。我覺得唯一嘅小缺點係會聞到有少少油嘅味，不過作為咁平又卸得咁乾淨嘅卸妝油嚟講我覺得都可以接受。