LAURA MERCIER

純淨無瑕柔霧粉底液

色號都夠全面，有neutral ,warm ,同cool tone。最淺色號為0開始，Range 都算大。我用1N2，都適合香港女仔。上咗面都幾貼合自己膚色。

質地係流動性高嘅粉底液，含水量都高，妝效係光澤透亮。

遮瑕力中至偏低，3-5成左右。做至均勻到膚色，整體望落去透亮，但係鼻翼嘅紅血絲，暗瘡印同埋黑眼圈要另外遮瑕。

可以疊加兩三次，遮瑕力都到5成左右，之後上返我最鐘意LM佢自己個碎粉就好霧面，好似無乜化妝皮膚又好左咁。

比較驚喜嘅，係佢持妝度都幾好，雖然唔係話出好多汗，但係潮濕天氣
大概5-6個鐘頭都無點溶。而且就算佢溶左都唔會一撻撻，唔會浮晒粉，仲係keep 到貼。

最後就係落妝之後皮膚完全唔會變差，仲係好有水份😀，確實養膚型粉底，因為佢整體都唔會焗住皮膚，搞到焗出暗粒，而且好輕好透氣，都唔會抽乾皮膚啲水份。

整體嚟講，我幾鍾意佢係clean beauty，日日用唔使擔心成份唔好傷皮膚。 唔使驚佢搞到你生暗粒或者抽乾塊面啲水份。

但係遮瑕力確實係偏低，如果佢遮瑕力高啲就好了。