fresh

紅茶酵素抗氧精華水

我一直係fresh fans，所以好多文章都講fresh ❤️只係以前未必每次都影相 紅茶酵素抗氧精華水有效為肌膚提供更好的保護力，煥發光澤透亮肌。 我一直相信查精華前，用精華水可以令後續更加吸收。官網話呢個精華水，可以增強抗氧保護、強化肌膚抵禦力。要讚嘅首先係佢個淡淡嘅香味，我習慣倒落去棉花度，將棉花濕唔，再抹上面，感覺好快吸收，而且好清爽，一啲都唔黏立。有時夜晚我會浸多幾塊棉花，當敷面膜用，會即刻覺得塊面充滿水份，質感畫好多。

幾年前已經開始好鍾意用fresh啲wash off mask 尤其係紅茶mask!!!! 因為不嬲都對Fresh有好感 加上佢哋之前搵咗柳應廷賣廣告 再推special offer😍😍😍真係shut up and take my money😚就係咁就買咗呢枝精華水～ 味道：淡淡signature嘅紅茶味 用落真係好舒服 質地：同一般toner一樣水狀 但搽落就覺得佢唔會一嘢就蒸發咗咁 會覺得真係搽咗嘢上面 會慢慢吸收 但係唔會黏笠 效果：我塊面一向都幾乾 坦白講一開頭用好似無咩感覺 但用落之後覺得皮膚係有穩定到 好似減少咗乾燥引起嘅粒粒 都幾俾到我一種安心嘅感覺 因為佢定位始終係toner 就算叫精華水都唔應該expect佢有精華嘅作用～ 所以整體來講我覺得都唔錯 轉季有少少泛紅敏感我都會濕敷一陣 都有降紅同穩定返皮膚嘅作用 如果佢之後都出呢啲Special package或者再搵柳柳賣廣告就一定會再買🤓

升級版精華水經雙重發酵後精煉成為更微細的精華分子，能極速滲透20多層表皮層，直達肌底，護膚功效全面提升，猶如肌膚專屬的Liquid Gold。 24小時顯而易見的修復能力* 增強抗氧保護、強化肌膚抵禦力、加強後續護膚品吸收 依枝精華水質地好保濕，搽完佢再搽面霜或者乳液已經夠。

想轉用另一個brand 嘅toner, 咁啱見到有YouTuber 介紹就買左支細嘅試下，一試愛上。再加上前排discount 好抵即刻入手大支。 首先佢嘅氣味係好清新嘅茶香味，質地係液體狀，好易吸收，用完對手有輕微黏嘅感覺，但面部就好清爽得黎保濕度好夠，即時見到飽水嘅感覺。 用左接近一個月，覺得塊面有提亮左，感覺係精華水嘅功效。至於佢講嘅抗污染，我就唔係好感覺到，亦唔覺係一啲肉眼睇到嘅功效。 如果冇discount其實佢都唔平，不過估計一支都用到好耐，用完一支會再考慮係咪回購。

已經用緊第二支喇🥳第一次用係喺專櫃買mask嘅時候送左tester, 因為佢係比較流質嘅,所以要好小心用量控制ಥ_ಥ 不過貨裝就無咩呢個問題！ 佢係用係上serum之前 等之後嘅精華同cream會吸收得更加好 佢嘅紅茶酵素令佢有一陣好清新舒服嘅味道 一路搽上面都覺得好舒服 夜晚臨瞓前用就最適合不過🤩 功效方面 佢的確可以令到吸收好左 持續使用都有令到塊面亮澤通透左 不過價錢比較貴 呢個位就會扣少少分💸💸 個人覺得轉季一路用着佢都有穩定膚況嘅功能🤓

紅茶酵素抗污染精華水的質地介於爽膚水與精華之間的一種水質護膚品, 所以營養成分比爽膚水更高, 但它不能替代精華液使用!  它質地呈淡淡的茶色, 水凝絲滑的質感, 容易滲透入肌膚, 用後肌膚變得水潤亮澤及提亮膚色, 而且淡淡的紅茶香氣, 令人聞起來很舒服!  另外, 在轉季時, 皮膚容易變得乾燥﹑脫皮﹑泛紅或敏感等而變得不穩定, 這時可倒在化妝棉上用來敷臉, 或是在敷面膜前用上,  能令皮膚鎮靜及平衡肌膚狀態之效! 

友人分享的試用裝，精華水呈淡黃色，帶有淡淡的清新茶香，感覺非常天然舒服，亦沒有引起任何敏感👍 精華水頗具流動性，但用手輕拍上面時會有輕微黏貼感。試用時間較短暫未體驗到精華水的長遠功效，但秋冬使用亦有不錯的保濕和潤澤感，不錯有好感～

第二樽空瓶🥰 鐘意佢嘅香味，淡淡地令人好舒服～ 精華吸收得快又唔會有好黏嘅感覺 會繼續回購

用化妝棉拍上臉可作二次清潔用途，直接用手拍上臉會更覺保濕感，十分清爽，試用感唔錯。

有陣香味，但又感覺唔到似紅茶，搽落面有陣滋潤感但好快消失，個感覺有d似用緊清水咁，可能同我皮膚唔夾，無咩火花

在專門店領取紅茶化妝水試用裝 開出黎陣陣茶香香氣宜人 質地水潤保濕適合轉季或出入冷氣房的乾燥敏感肌 有機會可一試

氣味清新怡人，質地清爽，吸收得好快，好明顯感受到佢滋潤保濕嘅功效，相當有好感。 已經回購出兩次，今次仲買埋佢個兔年特別版，包裝十分精美。四季皆宜嘅產品。

其實每次買fresh嘅產品都只係為左陣味， 因為佢地嘅野全部都香，但又唔係濃香， 係令人舒服同放鬆嘅味道，使用感好好。 呢隻因為係精華水，比較潤， 比起其他化妝水會有少少油感， 但佢質地係好清爽嘅水狀，唔稠， 用完塊臉會有少少黏，但係可以接受嘅程度。 不過單價太高啦～應該唔會回購。

有淡淡茶香 上臉後有一點滋潤度 後續保養有比較吸收 但單用則是沒太大感覺

係Fresh 買野時送既贈品 用左一星期左右 因為係夏天時候使用 所以有時用完精華水 都未必再用其他精華或者面霜 好快吸收 而且唔lup 仲有水潤既感覺