CANMAKE TOKYO

絲滑眼影液

感謝@cosme送出嘅小禮物，可以試用呢款CANMAKE TOKYO眼影液，試完覺得CP值好高嘅一款美妝品。

收到嘅係02淺粉紅色，好自然亦易carry嘅顏色，帶細緻唔浮誇嘅閃粉，日常嘅妝容都可以用到。因為係眼影液嘅關係，覺得比起粉狀更加貼服，持妝度更持久。掃頭好似唇彩嘅掃頭咁，所以用量都好容易控制。

建議用法有兩種：於眼皮位置點幾點，眼影液未乾之前用手指blend開。呢種用法出嚟嘅效果會較為自然。如果想上色度提高，就可以好似以眼線筆畫眼線咁，再稍稍blend開，然後按需要堆疊搽多一兩次，咁眼影嘅顏色就可以更加突出。而呢款較淺色嘅02色號，可以點喺眼頭位置，令對眼望落去會精神啲。誠意推介呢款眼影液俾喜歡日系妝感嘅女生。