HABA

G露水

去日本旅行時，朋友託我買三支返嚟俾佢，力薦話好好用，結果俾佢燒到，自己都買咗一支返嚟試吓～

試用之後終於明白點解朋友要大量入手。首先品牌係行無添加主義，無防腐劑，亦都無香料及人工色素，敏感肌嘅女生都可以放心使用。因為以上原因，化妝水係無色無香味，倒出嚟真係好似清水一樣。按品牌建議使用方法，潔面之後，倒少量（大概五蚊硬幣大小）G-LOTION喺掌心，輕拍全面，重覆以上動作五次，直到全面感覺水潤。

由於質地比較水質，拍上面之後感覺好清爽，冇乜殘留感。感覺清爽但保濕力卻好好，即使秋冬使用，都可以即刻舒緩皮膚嘅繃緊感，對於佢嘅鎖水力覺得好驚喜。使用幾個星期之後，皮膚狀態穩定咗，少咗偶爾會出現嘅泛紅情況。水油平衡亦都有改善，T字位出油情況冇咁明顯，連同偶然出現嘅痘痘都少咗。由於保濕功效好，慢慢連帶皮膚嘅光澤感都好咗。用過之後，真係會大推俾身邊嘅朋友仔。