SOFINA Primavista

霧光潤澤粉底霜

初初見到Primavista新出呢個產品時一直抱住極懷疑既態度, 人面係立體既, 一個平面好似油漆碌咁既工具點可能好貼服咁上粉底呢? 額頭/面頰都OK既, 但鼻翼/眼角呢D 咁微細既位點攪呢? 又會唔會好難控制拎粉既量, 搽到塊面一撻撻呢? 不過有個乾肌既朋友用左話好正, 咁我又試下我呢D缺水易出油既皮膚岩唔岩用先.

一上面就知我擔心既野完全係多餘既,首先我以為個粉好似 cushion果D咁濕,但原來比較似balm/濕粉餅,個碌拎上手軟綿綿, 好似棉花糖彈彈下咁好舒服, 碌上面亦唔怕有壓力導致皺紋形成,要清洗都好容易,拆出黎好似平時洗puff咁洗就得,個碌拎粉好均勻,上面唔會一撻撻亦冇卡粉/卡紋情況(不過第一次用果陣拎粉果陣確實要比較用力同來回碌多幾下"開左個粉"先),本身我膚質唔係好好,毛孔粗大易出油,用呢個粉碌幾下就可以好快速咁上得好均勻貼服，超正呀,毛孔遮得好靚唔會覺得厚,斑/印會淺左但唔會遮得曬,需要多D coverage 既話可以碌多幾下,但就算碌多幾次都仍然有透明感,想完美既都係用番concealer喇.我係用番平時既Alblanc The UV Emulsion II 打底,T-zone加Primavista Long-lasting Primer ,其實就咁上完粉已經好靚,同埋係我鍾意既matte finish,不過始終驚會出油所以都習慣上番碎粉.
係濕度同溫度都差不多既幾日我試左配唔同既碎粉
1) 我自己用2個Primavista Blurring Powder 7.5g + EX Matte Powder 5g 溝既碎粉，可能一下重手乾左D，有幾個位有少少皮仔，但整體keep得好好
2) 冇用碎粉, 唔得，出門2-3個鐘已有油光
3) 配 est Long-Lasting Loose Powder (Lucent), 勁靚，個妝好透唔厚，下午先有d油光，可接受
4) 天氣溫暖潮濕，用番自己溝果個Blurring Powder，5-6個鐘後T-zone有油光+少少浮粉

由於欠缺攝影投巧同專業工具,我好難影到上粉前後既比較圖俾大家參考,嘗試搽上手背都係好難影,就發現個粉就咁用潔手液係洗唔乾淨既,要用番落妝產品先得,持妝度唔錯,出左油用紙巾印走都唔會甩得好勁,亦唔會被冷氣吹到有乾燥感.

順帶一提近年Sofina/Primavista 的包裝物料越來越環保,非常值得支持,如果硬要講下產品缺點,就係粉盒雖然設計好簡潔拿起來唔算好重但外型有點笨重感,另外就是防曬度稍低,Sofina 防曬產品出名又透薄又舒服, 呢個碌碌粉得SPF14 PA++ 係有點失望.整體黎講都好值得試下呀,價錢又唔貴,試過先知岩唔岩自己既.