YSL BEAUTÉ

升級版夜間修復精華 (捱夜急救精華)

啱啱好依排要考試成日捱夜唔夠訓，就可以實測依枝主打捱夜急救嘅精華。用之前要搖勻入面嘅油同水，搽上塊面嘅時候會有一浸高級嘅香味，聞落好舒服。佢流動性高，水油混合，但係唔會覺得太油膩，只係覺得潤，同埋好快就吸收入肌膚入面。
用嗰陣捱左兩晚夜所以皮膚都變得粗糙同暗啞，額頭上有少少暗粒。用左一晚第二朝已經有番光澤同冇咁暗黃，好快見效。然後用左7日之後皮膚已經完全平滑同埋更加細緻左，修復效果好明顯。
惟一頭兩三日會有少少刺激同痕，應該係未習慣啲酸，過咗頭幾習慣咗就冇事。我會想回購依支精華，好快見效，完全做到急救同主打嘅功效！
第一張相係用之前，第二張係用完第二日，第三張係第七日。