MAYBELLINE

SUPERSTAY 超持久30H空氣感粉底液 (月光小紫瓶)

感謝@cosme的試用邀請，有幸同大家分享Maybelline SUPERSTAY 超持久30H空氣感粉底液SPF12 PA+++用後感。
1️⃣首先講講品牌方對產品的優點描述：
- 高達30小時持久不脫妝，防水防汗不沾染
- 科研裸感持妝配方，令妝感如羽毛般輕透無負擔
- 化妝同時護膚：含胺基酸，絲滑不拔乾，不堵塞毛孔，持久服貼不卡粉
- 微光霧面嘅高級感妝效，輪廓自然立體透亮

2️⃣再同大家分享本人用後感 (油肌，毛孔粗大，冇補妝習慣)粉底液用上磨砂玻璃方柱瓶身，有大牌高級感，可惜配上粉紫色塑膠圓角設計嘅瓶蓋，略微帶有玩具感，建議用方角同光感嘅瓶蓋，會切合半霧面半透亮嘅粉底液；今次一共收到3隻色：N10, N20及W30 (官方再後補3隻色：C20, W20及N30)，粉底液呈偏水狀，可見其質地透薄，就算15分鐘後再唧1泵比較，都唔會有氧化問題。
跟著就跟大家分享上面嘅效果：我只薄薄上了一層+有泛紅瑕疵位局部上多一層而已。
你會見到毛孔有被修飾、泛紅同痘印都遮蓋了不少；呈半霧面半透亮妝感，妝感透薄自然貼服。
跟著再分享一整天口罩同油光攻擊下嘅妝效；
喺完全冇補妝嘅清況下，3小時後妝容冇太大變化，係略見乾燥，少少甩皮；到11小時後，仍然有少少甩皮，而泛紅亦都出現，但毛孔仍然有修飾冇白芝麻出現。

後記：以上係冇補妝嘅狀況，如果中間有補妝我相信泛紅問題係可以解決；順帶一提，我覺得用呢隻粉底想用得靚，我覺得妝前保濕要做足，因為我平時冇妝前打底習慣，所以第一次試上面，妝容係卡到不行一笪笪，之後嗰幾日試呢隻粉底有做好妝前保濕就冇卡粉出現，所以我覺得粉底液有做到佢所宣稱嘅優點：半霧面半透亮妝感，質地輕透無負擔，持久不脫妝(有補妝情況下)同最驚喜係毛孔有修飾冇白芝麻出現。