fresh

升級版紅茶酵素抗氧精華水

感謝@cosme 邀請試用fresh 紅茶精華水，我之前未用過fresh任何產品，可以話係初體驗，雖然同爽膚水一樣係洗面後用，但係兩者性質唔同，特登上網查一下用法，先係倒一啲落化妝棉，擦哂全臉，再倒一啲落手心度，輕輕拍上面，上面嗰刻有啲笠，幾痴手，聞到有淡淡紅茶味，吸收哂之後變返乾爽，等皮膚吸收哂先繼續後續嘅skin care

用咗大概兩個禮拜，用咗差唔多一半左右，我本身淨係額頭有細紋，全面膚色不均，局部地方（鼻翼、人中、下巴）有暗沉，鼻翼位易泛紅，咀角同下巴啱啱爆完瘡有痘印（見圖，兩張相都係同樣地方同光線下拍攝），兩星期後整體皮膚提亮咗，痘印都掉淡咗，使用期間未有爆新嘅暗瘡，只係近眉毛位置有暗粒，不過痴咗暗瘡貼好快消失，肌膚狀況保持穩定；鼻翼位同人中附近暗沉仍在，考慮到暗沉非一朝一夕形成，加上擦面時容易忽略鼻翼位，可能導致暗沉情況未有改善，anyway泛紅有所改善，日後繼續使用應該會有更明顯效果