BOBBI BROWN

維他命營養柔亮精華

今次要參與嘅@cosme 試用活動係 Bobbi Brown 全新推出嘅 ~維他命營養柔亮精華~ 連續用咗五日，以下係我嘅少少分享。

首先，我覺得呢款精華嘅補濕效果好好。我自己係乾肌，平時冬天會有輕微甩皮嘅情況。由其係大風少少，吹得多鼻頭同鼻翼嘅位置就好大機會會甩皮，有化妝嘅情況下就更加明顯。用咗呢款精華後，肌膚係即時感到水潤飽滿，為接下來嘅妝容打好個底。所以呢幾日大風少少，甚至到咗夜晚凍啲嘅時候，我都覺得塊面好夠滋潤，唔洗擔心會有甩皮嘅情況出現。

今次嘅試用裝係1.5mL 一包，但都夠我分開三次嚟用，大約一個五毫子嘅分量已經夠臉同頸搽。

總括嚟講，我好滿意呢款產品嘅補濕鎖水嘅表現，淡淡嘅生果清新香味亦為佢加左唔少分。所以我十分推薦呢款產品，尤其係乾肌嘅朋友。#火熱新品