SOFINA iP

升級土台美容液

一直都對SOFINA 呢個品牌好有好感, 因為用左佢地嘅primavista 控油持妝隔離底霜好多年都仲好鍾意❤️
今次有機會試用SOFINA IP 升級版土台美容液，真係好興奮，因為呢款產品係連續７年日本No.１美容精華， 佢係我第一次試嘅mousse serum。好多mousse 產品嘅賣點都係分子細小，呢支土台美容液都唔例外，佢嘅分子只有毛孔20分之一嘅大細，可以深入我地嘅肌底，從根本修護肌膚狀態🥰輕輕pump 半pump已有大概3cm ge mousse，足夠塗抹全面。佢嘅質地好 幼滑，仲可以輕輕做埋臉部按摩，促進血液循環😌 順帶一提，pump 之前千祈唔好搖或者水平pump支美容液，因為咁樣會令泡沫減少，影響功效☝🏻
呢款產品聞落無咩特別味道，一開頭揸上面會覺得好潤，但配合埋按摩後，吸收得好快☺️訓完一晚覺，都唔會出油👍🏻同埋用完呢款產品再化妝唔會cake粉，唔會有擦膠碎 👍🏻
可惜每次用完都覺得有少少殘留嘅感覺，冬天天氣乾燥，唔會有啲咩大問題，但係未必適合香港春夏季使用 🥲用左呢款產品3星期，覺得解決左缺水同埋膚色暗沉嘅問題，皮膚明顯光亮咗☺️但係出多咗粒粒同埋鼻翼嘅粉刺都多咗🥺所以總體而言，覺得呢款產品好壞參半，未必會回購 😔