SOFINA iP

升級土台美容液

成日見到SOFINA呢款土台美容液好似好多好評咁，而mousse狀嘅精華又好少見，心思思買咗一支返嚟試吓。

產品介紹美容液使用mousse狀態，係因為mousse嘅粒子比毛孔細好多，美容液就更容易俾皮膚吸收。同好多日本品牌一樣，產品上有圖示俾大家參考使用份量，非常清晰就知道每次所需份量。

擠出嚟聞到少少微香，係令人覺得放鬆嘅香氣。由於係mousse狀，延展性好好，搽完上面，皮膚即刻有種水潤感，輕拍幾次之後，好快已經被皮膚吸收。

立即為皮膚補水，係產品嘅即時功效，使用咗幾個星期之後，呢款美容液好似強化咗肌底，感覺皮膚狀況穩定咗，無咁易出現泛紅情況，而且打開咗皮膚對後續護膚品嘅吸收能力。最明顯就係改善到缺水、乾紋嘅情況，上妝都冇咁易出現卡粉。長期使用之後皮膚嘅水潤感得到提升，推薦俾各位希望從肌底根源改善皮膚狀況嘅女生。