CLARINS

賦活精華眼霜 2In1

非常榮幸得到@cosme 邀請試用clarins嘅賦活精華眼霜2 In 1，佢哋嘅皇牌產品double serum就聽得多，一直都知道佢既口碑好唔錯，今次可以試用同系列既眼霜真係好開心🥹

呢個係精華+眼霜混合一齊，每一泵都有1/3眼霜及2/3眼精華，啱哂懶人使用，啲人成日話只有懶女人，沒有醜女人，有咗呢枝精華眼霜，就可以偷懶嘅同時都變靚靚喇🤣而且呢個設計令到眼霜好好吸收，滋潤嘅同時又唔黏立，真係好正！而家春天呢個天氣用，乾肌用係好夠滋潤嘅，冬天就可能要喺後面再疊加眼霜喇。

我覺得最貼心嘅係瓶口有大滴同小滴設計，平時用小滴就夠哂，有時候眼仔太攰想按摩一下可以用大滴。

好勤力咁樣早晚試用咗7日，未感受過對黑眼圈同眼紋有改善，但係會keep住用落去睇吓有冇效果👍🏻想減淡黑眼圈同眼紋唔單止要勤力搽clarins嘅賦活精華眼霜2 In 1，仲要努力戒甩夜訓同埋鍾意 卒眼嘅壞習慣先得啊😭

總括嚟講，呢枝精華眼霜即時滋潤效果唔錯，而且可以keep到滋潤感，又唔怕因為太黏立而容易甩妝，只係$630就有20ml性價比好高呢👍🏻👍🏻👍🏻而且我仲發現開封後有效期係有18個月咁耐！好多眼霜只能夠用6個月，眼霜每次用嘅份量咁少，6個月用15ml基本上都好難用得哂(而且人有時係會偷懶嘅🤣)