ARMANI Beauty

設計師光感修護粉底液 SPF 15 / PA+++

首先，好多謝@cosme 俾我試用ARMANI 既DESIGNER GLOW Radiant Revitalizing Foundation。 依支係2.5號色。依樽身設計好靚 ，泵很容易唧，很喜歡依支可以按少少就唧少少出黎，容易控制我所需份量，唔洗每次一按就唧太多粉底液。


我配合埋化妝掃使用， 在手上輕輕一掃 ，容易推開，薄薄一層十分輕盈，已經係手上明顯睇到光澤感。黑眼圈細痘印就要再配合埋遮瑕膏 ， 完美無瑕又有光澤既妝感就完成。

掃上肌膚有原生嘅光澤，不洗再加光影也能做到肌膚水潤的效果， 塗上肌膚都冇重裝感，完美均勻膚色，又能帶出健康水光感的肌膚，出咗全日街，底妝唔覺得有特別暗沉，連出街時都覺得貼服，無浮粉又無泛油。


用左依星期，皮膚沒有變得粗糙，可見依支粉液液沒有對皮膚造成傷害，總括而言這款粉底液適合一些需要皮膚水潤健康細滑又有光澤嘅人。

之前用過ARMANI同牌另一系列既粉底，我相對更喜歡依支粉底，尤其秋冬天，皮膚乾燥無光澤， 用依支粉底正好可以令我皮膚有水潤光感。 依支係我暫時秋冬天喜愛的粉底之一。