KOSE 雪肌精

雪肌精 亮白水感防曬精華霜

好多謝@Cosme抽中我試用今次雪肌精亮白水感防曬精華乳，我之前都有用開其他防曬，但係就未用過精華乳，唔知精華乳同防曬有幾大分別，對上一支用緊嘅防曬係有調色成份，今次呢個防曬精華乳係冇調色，就咁白色，質地係cream狀好容易推開，做晒護膚程序之後再搽上呢個精華乳為一日做好防曬準備。🌞

由於之前用開都係有調色嘅防曬，所以我一開始試用嘅時候都會喺度諗會唔會令到皮膚望落去冇咁精神，膚色冇咁均勻，望落一撻撻咁呢？但係試用咗接近一個禮拜都唔會覺得個人好唔精神同暗沉，雖然我本身膚色都係偏向暗沉同偏黃，用呢個冇調色嘅精華與都有令我望落去膚色均勻左同埋有亮白到，搽完之後可以就咁日常外出都唔會覺得個人皮膚狀態唔好，好似有調左色打左底咁，上面效果不錯👍🏻

用防曬除咗睇吓上面之後會唔會太過有光澤令面嘅情況之外，仲要睇吓上面出街之後會唔會好有黐立立嘅感覺，尤其喺香港咁潮濕炎熱嘅氣候，通常出街一陣就會好似油光滿面！本身我膚質係混合性偏油，但係我出街返工返到Office過咗一兩個鐘都唔會覺得塊面好似張住張住好多油咁，黏笠感一定會有少少，但係都係一個可以接受嘅程度，最主要都係睇返個人嘅膚質情況，以我嘅膚質嚟講我覺得已經算係幾唔錯，唔會令我皮膚好重負擔同埋越嚟越多油嘅感覺。☺️

今次試用之後，如果我之後唔確定自己膚色適合啲咩嘢調色嘅防曬，我諗我應該都會回購呢支亮白水感防曬精華乳，因為真係可以調整到膚色又唔使驚揀錯其他唔適合自己嘅顏色，我覺得都係一個好方便嘅選擇😉