SK-II

護膚精華 (神仙水)

多謝@cosme 抽中，比我試用神仙水, 一開電視就好易聽到SkII神仙水嘅廣告, 但其實我一直都冇試過, 以前覺得自己負擔唔起, 未去到要用咁貴嘅護膚品年紀, 但今年踏入3字頭, 開始覺得係時候要做好D, 以前護膚都係偷懶無限Skip步驟! 🥲

其實今次試用SKII之前我都有少少抱住可能名過其實(?)嘅心態去試, 因為以前用其他精華用十幾日，根本唔會好似其他人講得咁好，唔會好易睇到分別🤨
點知早晚一次用左大概3-4日之後, 我拍神仙水上面摸到自己塊面果陣, 發現自己塊面係軟嫩有彈性左!!! 因為我平時有用開洗面機洗面, 所以我塊面都唔會太粗糙, 都算有少少滑嘅, 但係用左神仙水之後, 真係第一次咁快對一隻護膚品見效, 係有D震驚!😱

真係好鐘意呢個平滑細緻左吸飽水有彈性嘅面珠, 見到咁有效, 我再重點加強拍神仙水去我D暗黃部位, 例如鼻嘅周圍, 額頭下巴都比較黃, 用左幾日係好似真係減淡左少少🤏🏻冇之前咁黃!

神仙水倒上手係透明, 好流質，睇落真係同水咁冇乜分別👀無額外色素, 都冇難聞嘅氣味, 整體感覺係舒服, 易吸收, 拍上面幾下就吸收左, 係手停留耐D都會冇左😂用完唔會覺得皮膚乾，官方建議2-3滴, 但我比較貪心，用多少少，用到我覺得成塊面都有吸收先停手🫣見到好多人講適合油性皮膚, 希望繼續用可以改善到我長年都會出油嘅膚質啦!

呢枝神仙水算係我近3-4年, 未用超過5分一, 已經諗住如果有做promote就想回購嘅product!!! 其實除返開價錢, 一枝230ml嘅神仙水同30ml嘅其他親民價嘅品牌, 價錢唔係差好多🤭值得入手呀❤️