KOSE 雪肌精

藥用雪肌精美白化粧水 Lotion

雪肌精  藥用雪肌精化妝水 $285/ 200ml ; $435/ 360ml 藥用雪肌精化妝水是一款家傳户曉的美白化妝水， 來自雪肌精的基本系列。 藥用雪肌精化妝水大大提昇肌膚的透亮度，增加透明感。 使用感既保濕水潤又清爽，延展性高， 易於推開及即時被肌膚吸收，完全沒有油膩感。 使用後，肌膚水潤亮白，而且連毛孔也縮小。 雖然含有酒精成分，但添加了鎮靜消炎成分，幸而沒有造成敏感。 如果是乾燥肌或是想在秋冬轉用較保濕的化妝水， 則可以考慮藥用雪肌精化妝水(滋潤型)。 此外，如果手上沒有面膜, 藥用雪肌精化妝水 也很適合用來做化妝棉濕敷面部，隨時急救肌膚，保濕提亮。 含鎮靜消炎成分: 甘草酸鉀, 北美金縷梅萃取 及 醋酸鹽維他命E 抗氧化成分: 甘草酸鉀, 小麥胚芽油, 北美金縷梅萃取, 醋酸鹽維他命E 及 檸檬酸鈉 去斑成分: 甘草酸鉀 保濕成分: 甘油, 小麥胚芽油 及 醋酸鹽維他命E 抗衰老成分: 甘油, 小麥胚芽油 及 醋酸鹽維他命E 肌膚修復成分: 甘油

一直都係雪肌精化妝水嘅粉絲 每次去日本都會大手購入 佢嘅保濕同美白效果相當唔錯 長期用佢會令到皮膚更加透白 每日早上晚上我都會當佢係爽膚水咁樣用 將大約一個$5硬幣嘅份量倒喺手上 然後拍上面幫助吸收 另外佢都可以用嚟濕敷 將佢倒喺化妝棉上面 敷喺面上大概5分鐘 可以達到更加好嘅補水效果 而且佢非常之清爽 吸收得好快 油肌人士可以用呢一款清爽型嘅化妝水 如果係乾肌嘅人就可以試吓佢有另一款滋潤型

一打開就已經聞到酒精味 但我本身對酒精冇特別敏感 同埋我只係用黎倒落化妝棉輕抺 質地水狀清爽 快乾 對於T字位出油狀況有少少改善 整體感覺還好

已經用咗呢支化妝水好多年，中間試過其他品牌，最後都係揀返佢。洗完面後，先用化妝水浸濕化妝棉，然後輕輕拍濕成塊面，再搽後續嘅護膚品。我習慣每星期一次用化妝水浸壓縮面膜，敷10分鐘，美白效果會更加明顯。呢款化妝水質地非常清爽，唔會有黏膩感，夏天嗰陣可以倒入落噴霧器，熱嘅時候就直接噴一噴，補濕之餘，亦會覺得涼快舒服啲。

質地是普遍化妝水的水狀，很稀不濃，呈現像洗米水的顏色（無誤）同時散發淡淡酒精味 發現有些人真的用不了這產品，有的會立即長痘痘或令肌膚異常乾燥甚至脫皮的狀況（！），有的則致敏 ！！！！因此真的要先嘗試在比較不顯眼的位置再決定是否使用 的確～美白產品使用不當絕對會弄巧反拙，切記要先留意自己的肌膚狀況 如果屬於敏感肌膚或痘痘肌，最好挑選溫和的美白產品，因此保濕與美白同時進行，是最相得益彰及安全 雪肌精給人的感覺是很會收斂鎮定 ,因此我在擠完臉部痘痘後都會使用（注意，是少許～1，2顆而已～太多的話請先處理好痘痘再慢慢使用吧），感覺可以消毒臉上的”細菌” 平常使用是用來收斂毛孔， 注意我使用雪肌精的方法是直接取代平時用的濕敷化妝水，這種梅花間竹交替使用的好處是因應你自己肌膚的需要去調整，例如早上日曬後我在當晚也會轉為使用雪肌精美白美白一下（雪肌精這款美白產品同時適合早上使用） 而對於我這種弱弱易敏混合肌也從未發生不適感或引發過敏，不過用了一段日子之後就更深深覺得雪肌精是用來美白鎮靜而非滿足缺水或嚴重乾旱肌的朋友，建議大家在有意購買這產品之前可先去買一瓶約30ml的試用裝，了解自己

好大陣酒精味 用咗大半支 感覺上都冇咩美白效果 可能因為冇keep住用 得閒先抹兩下 因為有酒精嘅原因所以抹完塊面會即刻冇咁多油 但保濕效果就唔多覺 可能因為我皮膚係混合偏乾 需要更加高保濕度嘅化妝水

24mL，購自DonkiDonki 早有聽聞雪肌精呢個品牌，之前羽生結弦代言果陣就更加心動(ฅ´ω`ฅ)，但做資料搜集果時發現有人評價話酒精含量高有機會敏感，於是先入手一個中小樣 化妝水係乳白色，清爽容易吸收，雖然有酒精味但我覺得產品味道係好聞嘅，而且無過敏反應，四季可用，個人強烈推薦夏天用，非常適合曬完一日濕敷尼保濕同鎮靜皮膚，敏感肌建議親自去專門店試左先 p.s.見過有講法話日版雪肌精酒精含量較低，如果有人去日本可以考慮買尼試下!

日本買價錢抵好多，用黎當身體美白精華水，沖涼後拍拍皮膚吸收，夏天白得好快。

在日本購買會比較便宜，這個爽膚水用完一支之後肌膚有略為提升光澤度，相信多用幾支會有亮白嘅效果

因為美白效果很有名而買 但酒精味超重 上臉都有點害怕 結果用兩次就紅腫 要停用去看皮膚科 應該我皮膚太敏弱型 不適合

這款化妝水還有一款是滋潤版的，想肌膚滋潤保濕效果好些，可用滋潤版。而它質地是水狀，質感不黏膩，除了平日清潔後用它，我也會配合壓縮面膜紙，來作一個toner mask 使用，補水效果會更好。

本人混合肌，t字位出油量多，兩頰偏乾，毛孔粗大，有點痘疤，容易泛紅。 已經用四五年了，一直不斷回購❤質地清爽，不會黏笠，堅持長期使用的確有提亮膚色的效果。我把它當成爽膚水，但有時生痘痘暗粒，我就會拿它來濕敷，有鎮靜的效果。買的是donki的壓縮面膜，也是很好用。但不得不說，它的酒精味的確是比較強，酒精添加量可能較一般爽膚水多，但它沒有讓我敏感，反而讓我的皮膚降紅，是一款相當不錯的爽膚水。 但是對酒精敏感的美女還是建議先去donki買試用裝看自己皮膚合不合適，畢竟我的蜜糖也有可能是你的地雷。

質地米白色水狀，有比較大陣酒精味道，但用完冇敏感嘅。保濕度一般，用咗一樽後唔太覺有亮白到，所以冇再回購。

控油 美白 呢枝爽膚水有酒精成分， 一打開已經陣陣酒精味 所以用上面時比較清爽，涼快 有時候面上出得多油， 用呢枝爽膚水噴下/ 抹面 可以即時去油光 同事 補濕美白 美白方面： 唔會即時白左， 要keep住用三個月先見效 （ 已用超過6枝）

我用了藥用雪肌精化妝水多年了，先買過一些30ml左右的小瓶 (日本藥妝店1000日元3枝)，覺得很不錯就買了500ml大枝裝，現在主要購買免稅店孖裝~ 我係忠實擁躉啊😍 個人最喜歡上妝前，用幾塊化妝棉濕敷兩頰，額頭，鼻尖同下巴，等面部飲足水，再慢慢化妝🥰 晚上輕拍化妝水後，加上眼霜同精華液，再塗上雪肌精的 Herbal gel，夏天涼冷氣過夜都無問題👌 明亮 🌟🌟🌟🌟🌟 滋潤 🌟🌟🌟🌟🌟 易吸收 🌟🌟🌟🌟🌟🌟 味道ok 🌟🌟🌟🌟 *乳液我購買過80ml試用，感覺一般，沒有回購