SOFINA Primavista

完美昇華持妝底霜

首先多謝 @cosme 令我有機會試用Sofina Primavista 完美昇華持妝底霜，收到底霜時，見到粉紅色嘅包裝已經充滿期待，樽身設計簡潔精緻，未用感覺已經好好。

底霜上手偏向粉啲嘅裸色，同原本膚色相差唔大，質感似乳液，順滑易推開，成分無香料，敏感肌都無泛紅過敏，體驗感唔錯。

最近天氣轉熱，我整體面部皮膚偏乾，做唔夠保濕化妝會卡粉，但T字部位唔夠2-3個鐘就會出油，出街補妝好麻煩。

今次試用呢款底霜上妝，裸色塗上去基本見唔到色差，唔會泛白，係面上推開後，唔會黏膩，有種清爽嘅水潤感。其後上粉底液，同平時嘅效果差唔多，唔會影響粉底本身嘅顏色，無特別做保濕嘅情況下，卡粉情況還好。

第一次試用，係室內停留大半日，感覺T字位出油情況減緩，整體妝感keep到，保濕效果都幾好，如果冬天使用可能需要多配搭保濕產品輔助。整體試用落來好滿意，會考慮回購，不過美中不足嘅係防曬效果唔太ok，如果盛夏出戶外玩，相信要另補SPF高啲嘅防曬乳液。