CAUDALIE

葡萄蔓極緻淡斑亮白精華

美白精華嘅質地都算流質容易推開，搽上皮膚都好容易吸收，夏天使用其實都幾適合。至於本身香味係有少少果香味，但唔算難令人接受。好多美白精華都會有氧化嘅問題但係我用咗三個月左右都唔覺有呢個問題。
我都算係比較懶嘅人，已經唔係早晚都用呢款美白精華，效果算係明顯嘅，佢唔係話將你嘅膚色提高一至兩度，反而係將你皮膚嗰種透明光澤感提升，皮膚嘅感覺比人有一種好乾淨通透嘅感覺最。理想嘅美白精華，我覺得唔係單純提升個顏色，而反而係有啲去黃透白嘅感覺因為每個人佢皮膚白淨嘅程度其實都幾取決於天生嘅色素。