Benefit

緊緻毛孔睡眠面膜

首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，覺得好好用。今次可以試下其他野🤩正！

今次試既係緊緻毛孔睡眠面膜😀佢係啫喱模狀質地既，敷住黎訓覺，利用睡眠時間煥膚、去除老化角質，從而改善膚質、緊緻毛孔。

呢個面膜由多種酸類組成，我用既時候都比較小心，因為皮膚好乾，平時好少用酸。第一次用既時候，首先試上手一陣，冇乜嘢，所以搽上T字位。敷左陣，feel 到吉吉地既感覺，不過都敷左3個鐘先洗，冇敷過夜。雖然洗完面發現局部位置紅紅地，不過冇痕冇痛。用完之後肌膚變到超光滑！！T字位令到反光😂毛孔收細左，緊致左。而且佢控油力好強，到第二日完全冇出過油😍勁👍🏻👍🏻👍🏻幾日之後再用都仲係有吉吉地既感覺，始終皮膚要適應用酸類。

提提大家，如果做facial打左高能量機，係一個禮拜內唔用得酸類既野架☺️🫶🏻