Avene

再生修護精華

首先要多謝@cosme 同AVÈNE抽中我試用＂再生修護精華＂同＂極速舒敏修護霜＂。

呢排天氣乾燥，加上去咗做HIFU療程，皮膚乾上加乾🫣就係呢個時候，抽到呢個試用真係好好彩！！！！簡直係我嘅救星！

AVÈNE＂再生修護精華＂嘅質地比較水狀，好輕易就能夠推開全臉，一陣間就吸收晒。洗完面用佢之後就唔會有掹掹緊嘅感覺😙有日打完HIFU，塊臉乾到有點泛紅同埋乾癢😟個晚用左再生修護精華之後，即時感到補充水份！再配合＂極速舒敏修護霜＂ 一齊用，簡直不得了😍
極速舒敏修護霜質地偏厚偏潤，吱少少就能夠推開全臉。搽上臉後會有一層好補濕又帶有油份既感覺，有效保濕鎖水、減少乾燥。早晚用左兩次 ，泛紅就消失了🫶

一路都好喜歡用AVÈNE既產品，鍾意佢保濕又防敏 。而＂再生修護精華＂同＂極速舒敏修護霜＂價錢唔貴，每次用少少就夠，CP值高，而且補水力強，推薦大家買黎拯救乾敏肌膚👍🏻👍🏻