OLAY

新生高效緊緻精華乳液

多謝@cosme 同Olay抽中試用新產品【新生高效緊緻精華水】同埋【新生高效緊緻精華乳液】。
我用緊Olay另一條line美白抗糖既<水感透白光曜精華>，覺得效果好好有一直回購。今次可以試埋其他產品真係好開心😁

今次試用既呢條line主打係for淡紋抗皺、提升彈性、緊緻提拉，有抗老效果，啱晒我呢d中女🤭
佢個包裝用紅色為主調，好靚好高貴。

首先試用精華水，質地輕盈唔黏笠，比其他抗老嘅產品清爽。但係上臉後嘅感覺比其他一般精華水保濕，有滋潤嘅感覺，就算冇即刻搽其他嘢都唔覺得好乾，效果好好！而且佢有啖淡嘅清香，成個感覺都好舒服👍🏻

之後再試埋精華乳液～好順滑好好推，泵4至5下份量已經足夠搽晒臉同頸有餘。查完嘅即時感覺係好水潤有彈性，可以撫平幼紋皮膚變得更幼嫩😍而且呢支乳液比起其他牌子大支，CP值好高👍🏻

咁啱試產品呢幾日病咗，之前戴口罩黎訓，第二朝起身滿面油光。用咗Olay【新生高效緊緻精華水】同埋【新生高效緊緻精華乳液】之後，第二朝起身塊面完全冇油仲好保濕，好似敷完面膜咁，超級神奇🤩

而且根據官方資料，呢兩支產品都通過敏感肌測試，不含酒精、重金屬、色素、螢光增白劑或 Paraben 防腐劑，使用更安心😌大力推薦大家買黎試下！！