Benefit

緊緻毛孔睡眠面膜

感謝@cosme的邀請！

面膜質地係黃色啫喱狀，第一次使用我只係搽係T字位毛孔粗大嘅區域，第二次先全面搽，俾皮膚有適應嘅時間。
搽咗喺面上面等30分鐘皮膚吸收晒之後，面膜會形成一塊保護膜，好似一層薄薄嘅保鮮紙，摸落去唔黏笠，唔驚黐住枕頭同埋頭髮，呢方面我覺得做得非常好，以前唔鍾意用睡眠面膜就係覺得黐黐笠笠會黐住枕頭上面嘅污糟嘢。
第二朝起身保鮮膜仲喺度，平時起身T字位點都會有啲面油，當日係一啲油都冇，好乾爽。用清水洗走後feel到皮膚滑咗，仲自帶光澤感！

連續使用3次後皮膚真係柔嫩緊緻咗，另外就係水油平衡咗，T字位少咗出油，唔知係面膜嘅效果定Benefit支爆水精華嘅效果（因為我同時使用），同埋每次用完睡眠面膜瞓醒塊面都好有光澤感！！