ettusais

束感雙頭 3D 睫毛液

多謝@cosme令我今次有幸抽中到試用，可以試下ettusais嘅產品，而我平時都有用開佢地嘅眼睫毛液，但係用另一款嘅眼睫毛液！而今次試用嘅係【魔束捲翹睫毛底膏】同【束感雙頭 3D 睫毛液 01 透亮黑】，因為我係一齊用的，所以評價都想一次過寫~

(圖一為未夾咩都未揸的狀態)

首先係【魔束捲翹睫毛底膏】，佢嘅液體係透黑色的，揸左上眼之後，會好明顯見到啲眼睫毛會望落長左(圖二)，我覺得單用好適合想返學偷偷地化妝嘅朋友/適合想化自然妝容嘅朋友！


而【束感雙頭 3D 睫毛液 01 透亮黑】，佢嘅液體係黑色的，刷頭有兩面(圖三)，一面係普通嘅刷頭，另一面係可以幫我地唔洗用夾就可以製有束感嘅眼睫毛嘅刷頭，好方便要帶出街/帶去旅行~ 唔洗特登去帶夾！
用普通嘅刷頭揸左上眼之後，已經可以好明顯見到分別，之後再用束感眼睫毛嘅刷頭掃幾掃，就可以輕鬆整到束感眼睫毛(圖四)！