ettusais

束感雙頭 3D 睫毛液

本人係油眼皮、眼睫毛易垂。
常用Mascara：Kingdom、Kissme

掃頭＆妝效：
Ettusais新呢枝束感雙頭3D mascara掃頭同Kingdom既好似。因為大家都係做束感，所以都會有一邊係for你擦到一束束。圖一做左個比較，左邊：Ettusais，右邊：Kingdom。束感效果係擦到，但都無乜可能單靠個頭做到韓團個款咁誇張架啦，但日常都好夠做，有束感但唔係去到假眼睫毛既程度，要再束啲就要用夾手動夾。但如果對比Kingdom，Ettusais就再明顯少少，同唔洗擦咁多下就出到束感。

妝效比起Kingdom纖長，Kingdom就濃密啲。整體我覺得Ettusais出到黎個妝感係靚少少，因為拉長好多。如果想濃密啲可以上多一兩層，但多過三層就會開始有曱甴腳… 出曱甴腳就自行加熱解決～

持久度＆易卸度：
Ettusais既持久度都唔洗多講，打風都唔甩，普通喊係無問題，但游水就唔知，無試呀！留汗同出油都唔太甩，單用唔會熊貓眼，但hold全日點都會甩少少黑點，叫做都易清理。自己有用開佢地既base coat，加埋就無試過甩！捲翹度就評價唔到，自己係擦乜都drop，因為我既睫毛生長方向係向下。但我係一定會加熱去夾眼睫毛，夾左都係全日唔drop！呢款mascara液體係膠質，可以加熱，唔會拉絲。

卸妝我係用開mascara卸除液，正常易卸。

整體黎講都係好用，佢比起Kingdom仲平啲，可買。