YSL BEAUTÉ

情迷凝亮唇蜜

感謝@cosme邀請試用YSL Loveshine Candy Glaze情迷凝亮唇蜜～今次試既色號係#15 Showcasing Nude奶茶裸色。首先外觀包裝轉換咗新嘅銀色外殼，而且亦新設計 桃紅色logo，充滿新鮮感～

呢款唇蜜嘅特別之處係首款新出嘅固體唇蜜， 搽上嘴後感受到非常高嘅水潤光澤感，有唇膏嘅水光感之餘，亦都有護唇嘅效果， 比起普通其他唇蜜使用方便之餘，亦為嘴唇帶嚟水光亮澤嘅效果！而且個人亦都十分喜愛裸色系， 喜歡裸色系妝容嘅朋友亦十分適合呢一款唇膏。

而呢款唇蜜嘅亦有特別使用方法， 因為產品採用特別嘅單向包裝， 確保成支唇膏嘅使用都可以達到最好嘅保濕功效，將唇膏底部旋轉6次就可以搽上1次，使用方法都好清晰，可按照官方用法使用以達致更佳效果。個人認為呢個提示十分之貼心～

而使用咗兩日後，就算塗上普通嘅唇膏，然後再塗上一層唇蜜，光澤感馬上提升，達致玻璃感～而且長時間keep住鎖水同撫平到唇紋， 而且亦都降低咗嘴唇甩皮嘅效果，個人認為好值得推薦～

好用推薦：❤️❤️❤️❤️