YSL BEAUTÉ

情迷水光唇膏

謝謝@cosme抽中試用YSL LoveShine 系列～ 今次抽中既係 122號色 Caramel Swril 焦糖裸色

先講一下我祼唇既狀態。我唇本身係偏向深色既 而且偏乾 死色偏厚 好容易出現搽Matte質地既唇膏既時候卡色，搽水潤質地既唇膏既時候又會唔上色。唇紋方面都算係明顯既。
YSL既唇膏出名水潤又顯色 之前都有用過YSL既金管系列 一直都覺得YSL唇膏出既色好靚。今次依隻122號色依然係非常出色，佢係果種楓葉紅色，紅得黎又有少少啡調，顏色非常高級。另外，佢依隻色更加係極之顯白，搽完個人即時氣質upup，仲要唔挑膚色，特別適合黃皮既靚女，唔會顯得個人好黃！絕對建議黃皮美美們一定要try佢！質地方面，佢係水潤果種唇膏質地，搽上嘴唇紋即時消失得7788，即刻係冇搽任何打底情況下，唇膏亦不會卡色。而顯色度雖然未及matte 唇膏咁實色同顯色，但亦都有足夠既顯色度，反而添上一種通透感，比人一種媽生感，無論咩造型季節都可以架馭唇色，非常百搭！係持久度方而面，除咗進食之後需要補色外，我用咗一整日都冇需要額外補色，全日都可以keep住水潤～

整體黎講，非常建議大家都可以入手YSL依隻唇膏阿！