YSL BEAUTÉ

情迷凝亮唇蜜

謝謝@cosme抽中試用YSL LoveShine Candy Glaze～ 今次抽中既係 13號色 Flashing Rose 水光玫瑰

先講一下我祼唇既狀態。我唇本身係偏向深色既 而且偏乾 死色偏厚 好容易出現搽Matte質地既唇膏既時候卡色，搽水潤質地既唇膏既時候又會唔上色。唇紋方面都算係明顯既。
YSL既唇膏出名水潤又顯色 之前都有用過YSL既金管系列 一直都覺得YSL唇膏出既色好靚。依隻13號色一樣 貫徹YSL既傳統 又靚又容易配搭～唇膏係日光下係乾燥玫瑰粉色，係果種搽上去令人覺得氣色好好粉嫩粉嫩既色，尤其顯合喜歡化淡妝 甚至係習慣素顏既靚女們。
搽上嘴後，佢冇金管系列果種咁實色，多咗一種好似唇蜜既bling bling 但又冇好似平時出面啲唇蜜咁唔顯色，佢係顯色得黎又帶點透透地 同你本身既唇色融合，好似係你平身既基礎上面加上一習粉嫩既玫瑰色，好似本身自己天然就有依種好氣色咁。唇紋係搽唇膏後都遮得七七八八 而且更加冇出現卡色既問題，亦不會過黏。持久度方面 我用完一整日只有係進食過後先需要補唇膏，而且冇出現唇紋經過一段時間後因為唇既狀態變乾而出返黎，返而一直keep住果種水潤bling bling 感。水潤度及保濕度都非常滿意！