Hair Recipe

米糠溫養修護洗髮露 (生薑檸檬香氣)

抽中咗@cosme試用活動， 今次試用hair recipe洗髮露及護髮素， 多謝@cosme邀請。

收到一支洗頭水及一支護髮素。
洗頭水一打開清香撲鼻， 係天然檸檬生薑香味， 非常清香舒緩，唔係人工味。 洗頭水呈透明狀； 護髮素係白色乳液狀， 同洗頭水一樣有浸檸檬生薑香味。


我自己髮質中性偏乾，無頭皮問題，無染髮，頭髮比較毛燥。

先用溫水沖洗頭髮， 再倒少少洗頭水起泡， 小小洗頭水已經起到好多好綿嘅泡， 按摩頭皮一輪再沖水， 頭髮清洗後乾爽順滑不打結， 而且留低清新嘅檸檬生薑香味； 輕輕揸乾仍然滴水中嘅頭髮， 再將同系列嘅護髮素搽埋上頭髮， 避開頭皮位置唔搽， 特別想讚一讚呢隻護髮素， 以前用過好多護髮素感覺都係偏笠， 用完頭髮係滑左，但同時頭髮就變咗好重同埋成個頭好似扁塌咗咁，頭髮黐住個頭皮， 所以我一向唔鍾意用護髮素， 但呢隻護髮素用完除咗頭髮好貼服好順滑之外，而且非常易梳 ，亦都唔會感覺頭髮變到好笠，係畀到滋潤順滑感頭髮嘅同時又唔會令到頭髮覺得笠，用左呢一set洗護產品洗頭後，成個頭都輕曬，頭髮又變得好滑，我自己都好滿意！