Hair Recipe

米糠溫養修護護髮素 (生薑檸檬香氣)

連續試用Hair Recipe米糠溫養修護洗髮露 + 護髮素七日，洗後頭髮較為輕盈蓬鬆，滋潤到頭髮同頭皮，洗頭後吹髮後髮尾唔會乾旱，頭髮少咗斷亦更有光澤，頭皮無乾癢，洗後10個鐘出街返到屋企個頭都冇乜點出油，感覺頭髮嘅水油平衡情況有改善 。

米糠溫養修護洗髮露: 微黃色啫喱質地，加水容易起泡，有微微嘅檸檬薑味， 自己每次洗頭都會洗兩次頭髮， 第一次係清洗油脂污垢， 第二次係清潔頭皮。加上自己間唔中都會gel頭，覺得都洗得好乾淨。

米糠溫養修護護髮素: 白色乳液質地，一樣有微微檸檬薑味，聞落好舒服， 護髮素容易滲入頭髮絲。