CeraVe

SA水楊酸煥膚潔膚露

好開心可以試用到CeraVe嘅產品，開頭喺萬寧見到佢哋嘅產品包裝都覺得有一種好可靠安心嘅感覺，今次試用咗三款佢哋嘅潔膚露，分別係溫和保濕潔膚露、清爽泡沫潔膚露同SA水楊酸煥膚潔膚露。呢三款產品我除咗攞嚟洗面之外都仲有攞嚟沖涼，都覺有唔同嘅效果， 雖然我唔係濕疹肌膚， 但用落都感覺到非常舒服， 所以對今次嘅體驗好滿意。

溫和保濕潔膚露:凝露質地，無泡潔膚產品， 用完之後皮膚好有潤澤同埋保濕嘅感覺，相信乾性或者敏感皮膚用會非常適合。 不過用完沖涼之後感覺地板有啲跣， 可能因為產品質地嘅關係, 希望大家都可以注意呢一點，安全至上。 自己相對上會比較鍾意用嚟洗面， 秋冬用或會好適合，如果感受到皮膚比較乾燥嘅時候都可以拎嚟沖涼。

清爽泡沫潔膚露:凝露質地，起泡型潔膚產品， 用起嚟清爽保濕得嚟冇繃緊嘅感覺，比溫和保濕潔膚露更加清爽， 個人覺得潔面沖涼都適合。


SA水楊酸煥膚潔膚露:凝露質地，起泡型潔膚產品， 自己一星期會用大概兩至三次嚟洗面做角質護理 。個人比較推薦用嚟沖涼，因為覺得用嚟沖涼之後可以減輕到手臂同小腿上面毛囊角化嘅情況，皮膚更加平滑。 雖然呢款產品加入咗水楊酸， 但係對於我嚟講都唔刺激，無敏感情況出現。