Dettol 滴露

ProFresh清爽保濕沐浴露(清新柑橘及淡雅橙花)

Dettol 滴露ProFresh清爽保濕沐浴露(清新柑橘及淡雅橙花)沐浴露・沐浴乳

多謝 @cosme &滴露邀請參加今次試用
今次總共收到2支: 「清新柑橘及淡雅橙花」同「水感蜜桃」味

香味好好聞好清新，清潔力應該還好洗完唔乾，皮膚感覺柔潤，有效去除汗味，用左幾日，包裝個橙色樽都幾吸引，一直用開滴露經典松木香味，洗得乾淨又好聞，今次試用呢款新味一樣令人感覺舒適

我用咗 「清新柑橘及淡雅橙花」先嘅，一㩒出嚟係透明黃橙色，聞落好似生果咁清新，個人感覺果味好濃似柑桔又似橙汁味，感覺用完呢個味沖涼都特別治癒

滴露沐浴液嘅起泡力一直都好好，捽上身仲會慢慢有陣水果橙香味，令沖涼變成一種舒適療癒嘅享受

近排天氣好熱又焗，返親屋企都渾身是汗，沖完個涼真心可以去除汗味，開冷氣瞓第二朝起身都唔覺得皮膚乾

感覺上呢款用完無松本果款乾淨，仍會有好種水水潤潤嘅感覺，可能係保濕卦，但清新香味好適合朝早起身用，全日都香噴噴又唔會覺得乾

總而言之，呢款香氣清新屋企個個都鍾意，如果「清新柑橘及淡雅橙花」同「水感蜜桃」比較，我個人比較鍾意用「清新柑橘及淡雅橙花」多少少，無論係香味定係使用感，都令人好難抗拒呢種清香味同用後觸感