Rejoice 飄柔

瞬效柔順護髮精華 (清爽型)

因為天生攣頭髮嘅關係，所以間唔中都會做直療， 加上每次洗完頭之後都會用風筒吹乾， 所以髮尾容易乾同埋開叉， 透過Cosme遇到Rejoice 嘅免沖洗護髮精華，呢家覺得頭髮容易打理咗好多，慳咗好多時間。

自己嘅使用方法:
洗頭只用洗頭水，冇再用要沖洗嘅護髮素。洗完頭用毛巾印乾多餘嘅水， 用風筒吹到五成乾，自己都長頭髮，所以會按2下份量嘅免沖洗護髮精華， 搽喺頭髮末端對上嘅三分一嘅頭髮， 之後再直接吹乾成個頭。

用後感:
護髮精華質地都係水狀液體，有少少柚子嘅香味， 好嘅地方係質地水潤，容易吸收唔黏， 之後再用梳梳好容易就梳順把頭髮， 無咁毛躁，對手掂個頭唔會有一種有油嘅感覺。