BOBBI BROWN

無重輕霧粉底液 SPF 15 PA++

感謝 @cosme 邀請參與今次嘅試用體驗。

我嘅膚況：混合性偏油，主要都係T字位同鼻翼好易出油，面頜兩邊就保持乾爽，唔會乾到甩皮亦唔會出油。鼻翼兩邊皮膚毛孔比較粗大，有凹凸洞，長期泛紅。每一兩個月就大爆瘡一次，所以浸住都有膚色不均嘅問題同啲痘印要遮。

膚色：偏白，一直用開Shu unlimited粉底嘅584號色。今次試用收到Bobbi Brown呢枝粉底液W-016 Warm Procelain。收到時一揤上手時有覺得質地相比起shu較為稠身，見到顏色又好似有啲深有啲擔心。但用手指推開後顏色就淺咗，而且都比想像中容易地均勻推開。（左係Shu 584，右係BB W-016 Warm Procelain）

由於今次試粉底初期就係爆緊瘡，有唔少暗瘡要遮。圖左係搽完護膚品未上粉底，右上係搽咗一層，右下就再薄薄疊加多層。感覺上Coverage都係中高，泛紅問題遮到80-90%，仲紅緊嘅瘡都遮到60-70%。第一日係用solone粉樸印開～第二日再試嘅效果～防水防汗測試：有晚試咗上完妝去煮飯，流哂大汗睇下嗰妝會溶成點。結果煮完飯見滴汗位置係有溶嘅，但要好近哄墊塊鏡先會見到啲汗痕，正常距離望係見唔到呢啲汗痕，而無流汗嘅位置亦見唔到有溶妝溶到一撻撻嘅問題，但整體Coverage低咗顯露番啲泛紅出嚟係會嘅。由於我喺醫院工作需要戴住口罩做嘢，只有Lunch hour嗰一個鐘先除得，所以試咗5日戴住口罩嘅持妝能力。喺lunch hour除口罩時發現得好少嘅粉底會甩落口罩，同Shu其實差唔多。但喺面上見到粉底痕同出油情況就比Shu好，就咁望幾乎唔覺得有溶過甩過，亦無乜點出油，成個妝仲係維持到80%以上。呢方面係幾出乎預期。

試咗一個星期有多，感覺BB呢枝粉底係幾適合偏油肌用，做到佢Claim嘅微霧感同長時間控油但又唔會扯乾你塊面啲水份。而佢亦有一定遮瑕度可以大致上遮到痘印、泛紅同斑，啲毛孔亦有blur咗嘅感覺。而佢嘅質地偏稠，第一個比人嘅感覺係難推同好厚，但實際用落又比預期中易推同幼滑嘅，亦唔會好厚有面具感，都算透氣。然而個人感覺佢點都會有嗰妝感喺到，望到點都有啲覺得有化淡妝，未輕盈透薄到會覺得天生皮膚就好好～至於佢SPF得15我覺得唔算係缺點，因為點都會上粉底前另外上夠系數嘅防曬，唔會靠粉底嘅防曬，所以對我唔係問題。另外佢成膜速度都算快，建議少量多次咁上，最懶可以用手指喺面快速掃開幾下再搵beauty blender印鬆番邊緣就搞掂。

總結而言呢枝粉底都喺呢個價位交到功課👍🏻各方面都表現出色而且有浸淡淡香味～