ESTEE LAUDER

持久無瑕霧光氣墊粉底

6月尾喺專櫃購入
正貨$420連一個補充芯

自己屬於混合偏油膚質，T位同鼻側兩邊影出油+毛孔明顯，面頰就有少少暗瘡印。
一直用開Shu unlimited 584 fair sand
最近亦試埋Bobbi brown weightless Skin foundation W-016 warm procelain兩款都係遮瑕度同持妝表現好出色。

之前一路用開粉底液，雖然怕Cushion易藏細菌，但都心思思想買個嚟用下睇下係咪方便咁多。早排見好多KOL都推介EL呢個Cushion，都係讚佢遮瑕力強同好持妝，所以比較咗幾款新出嘅專櫃Cushion後決定揀佢嚟試。我膚色白所以揀番最淺嘅1C0 Shell，上面blend開後提亮咗少少，但深一隻色又應該會深色咗，所以1C0應該係啱嘅。遮瑕度的確係明顯高coverage，好多微小嘅瑕疵印一下已經遮得哂，去到黃，血色好咗，白淨咗，毛孔亦blur咗好多，但黑眼圈就只遮到三四成。因工作關係要全日戴口罩，喺戴住口罩嘅情況下持妝能力麻麻，晏晝放飯（~5h）已經見到開始溶妝。（平日出街用都係一般，明顯唔及Shu同bb）專櫃職員同我講過呢款比較高coverage嘅cushion唔適合用嚟補妝，而我亦無補妝習慣，所以我就唔打算再回購。另外喺專櫃都試過佢另一款second skin cushion，嗰款反應幾驚訝佢嘅透薄感，再買可能會試嗰款。左：洗面搽完護膚品
右：上咗一層cushion