BOBBI BROWN

無重輕霧粉底液 SPF 15 PA++

感謝@cosme試用活動！本身自己係混合性皮膚，T zone會比較容易出油，之前用開既幾款粉底去到下奏就會開始浮粉脫妝，尤其係夏天呢啲時候☀️ 一直想搵一款貼服唔容易浮粉，控油同時持妝度高既產品，估唔到今次試用體驗就比我遇到😍 超級滿意呢款粉底液！

🤎妝感：呢款粉底液質地比較流身， 延展性好高， 好容易推開。我用美妝蛋上妝，上面係勁透薄貼服！好似原生肌膚本身就好好嘅感覺，有一層好自然既filter😆 因為好透薄，所以而家呢啲咁熱嘅天氣用都好舒服，一啲都唔會覺得有厚重感覺，果然係「無重」粉底液 ！
🤎遮瑕度：雖然係好透薄嘅粉底液，但好驚喜地佢嘅遮瑕度都唔低，大概都遮到7-8成，正常上一層已經遮到比較淺色既痘印❣️ 但如果比較深色嘅印或者黑眼圈，我自己都會用返遮瑕膏再補 ～
🤎持妝度：實測左一段時間，可以話呢款粉底液係我用過數一數二持妝度好高嘅底妝產品😍 即是持妝超過6至8小時，個妝感同上妝時效果差唔多，最大愛係即使長時間持妝 都唔會有浮粉溶妝嘅情況 ！！而家亦都無明顯氧化暗沉嘅問題～
呢款粉底液可以算係我近期大愛❤️用咗佢之後都無再用其他粉底😆如果你都追求一款貼服唔容易溶妝嘅產品，非常推薦你入手呢款產品❣️❣️