LAURA MERCIER

幻魅柔霧鎖水唇膏

感謝@cosme 邀請和抽中有機會試用Laura Mercier「幻魅柔霧鎖水唇膏」💄
收到兩支貨裝size分別係裸膚色調嘅168 Pink Chiffon同紅色調嘅520 Scarlet Velvet兩個色💄
平時都比較多用偏滋潤嘅唇膏,
第一次用啞色霧面效果嘅唇膏, 我一向覺得啞色霧面質感係會偏冬天用 高貴 同好型嘅感覺, 試用後同想像嘅差唔多 視覺效果係好高質 同埋保濕度同滋潤度比預期理想, 如果本身嘴唇係偏乾 個人認為可以先用潤唇膏薄薄打底再搽 效果應該會再好啲！
另外 不得不讚唇膏嘅易上色程度同持久度好好, 色澤飽和度好高, 易上唔易甩👍🏻係可以完美cover 咗原本嘅唇色！色調方面, 其實睇相會覺得168 Pink Chiffon好啡色, 但搽返嘴唇就會係nude色 帶暗紫嘅淺粉, 如果平時係化開淡妝會覺得呢個色好易用！
而520 Scarlet Velvet係好高貴亮麗嘅紅色, 好有氣場同有眼前一亮嘅效果, 感覺會係好適合一啲正式同隆重嘅場合, 搭配完整嘅妝容搽會好有質感✨！
最後想提返打開包裝後好有驚喜, 唇膏外管感覺比其他品牌粗身同有份量, 好鍾意外型低調簡約得來又有奢華感嘅設計, 而唇膏蓋帶帶磁力效果 吸得好實, 擺喺手袋都唔擔心會唔小心開咗蓋整污糟袋內嘅物品！