OLAY

至臻緊緻紅金面霜

感謝@cosme 邀請和抽中有機會試用「全新OLAY至臻緊緻紅金面霜」, 本身都有興趣購買試下, 因感覺OLAY近年推出嘅產品性價比都好高!
今次無論包裝設計、面霜嘅成份
感覺都好高級同矜貴！
首先, 紅金面霜嘅質地好似乳酪咁, 輕盈得來好有潤澤感, 絲滑易滲透皮膚吸收 滋潤不油膩 冇黏笠感, 本身我係偏油混合肌, 喺而家呢排有啲乾燥嘅天氣下用
感覺好潤滑舒服 好溫和, 亦都冇令人抗拒嘅香料氣味, 個人認為更適合作晚霜使用 ！持續使用咗14日後, 眼部周圍嘅乾紋同細紋係有減淡咗, 而我比較明顯同在意嘅頸紋 喺按摩嘅配合下感覺都有所減淡, 整體上膚質嘅飽滿度、潤澤度都有提升, 下巴兩邊輪廓有緊緻咗, 感覺使用再長少少時間 緊緻和拉提效果會更明顯！
踏入三字頭後, 相信有抗老成份嘅護膚品會係唔少人嘅揀選條件之一, 加上專櫃級嘅成份, OLAY呢款至臻緊緻紅金面霜嘅性價比好高, 希望持續使用下效果會更顯著！