NARS

Light Reflecting™原生光亮肌精華氣墊粉底 SPF 50+/PA++

感謝@cosme 邀請和抽中試用「NARS 全新 LIGHT REFLECTING™原生光亮肌精華氣墊粉底SPF 50+/PA++」！
我試用嘅色號係Mont Blanc象牙白色, 係自然色調中最淺嘅顏色！我皮膚屬於混合性偏油, 額頭同面頰都算容易出油, 起初覺得呢個色對我嚟講有啲偏黃, 但上臉又唔會, 同埋冇乜點氧化變暗沉, 妝感自然 輕薄貼服, 而呢款帶有護膚精華成份嘅氣墊粉底, 質地較水潤 而於打造出自然嘅光澤感 均勻膚色, 妝感唔厚重 唔卡粉！
連續用咗一星期, 遮瑕度方面屬中度, 如臉部未有太大瑕疵 都可以疊加使用提升遮瑕度, 保濕同提亮效果持久, 如果係偏好亮澤水潤妝感嘅應該會幾鍾意！
而我混合性偏油, 喺配合定妝產品下 持妝度都算唔錯, 平時容易出油嘅位雖有有輕微泛油, 但整體妝感都自然同保持到！
另外, 第一次使用Nars嘅氣墊粉底, 對呢個水滴形粉撲幾驚喜, 除咗方便在鼻翼等細節位上妝外, 粉撲質地偏結實, 輕輕按壓已容易取粉, 而且唔會好吃粉, 容易上妝！
視乎個人膚質情況, 認為呢款氣墊粉底偏適合乾肌, 但就算混油肌喺春夏或悶熱天氣下配合控油和定妝, 都可以打造亮澤自然嘅妝感！