INNISFREE

天然能量面膜 - 積雪草

感謝@cosme抽中，可以試用INNISFREE 天然能量面膜 - 積雪草。本身對積雪草呢款成份嘅功效比較陌生，根據產品介紹，原來積雪草嘅作用，係可以舒緩保濕加上鎮靜修護，聽落好適合秋天轉季使用。秋天肌膚容易出現乾燥繃緊，所以要勤力啲做好保濕。

今次係試用綠茶加積雪草嘅面膜組合，按指示每日交替使用，一共試用六日。呢度就集中講積雪草面膜試用感。面膜貼面度好高，打開有種青青嘅氣味，都幾清新嘅。拎塊面膜出嚟之後，啲精華液多到有啲嚇親，多到可以分幾次倒出嚟拍返上面膜度。精華液比一般嘅更liquid，所以好快就吸收。用完保濕效果都幾滿意，亦都冇黏笠感。如果想保濕又怕黏笠感嘅人士，可以考慮選擇呢款面膜做日常護膚。試用六日之後皮膚水潤度同穩定度都提高咗，試用期間亦都冇出現皮膚敏感、泛紅痕癢嘅情況。