INNISFREE

天然能量面膜 - 綠茶

首先感謝@cosme 邀請試用innisfree面膜，我收到嘅係綠茶+巴西莓組合，不嬲都知innisfree做開好多植物面膜，但從來未用過；綠茶面膜可以抗氧化，保濕舒敏，啱哂即將踏入40歲嘅我，皮膚新陳代謝變差，抗老化刻不容緩

面膜紙半透，額角位有個半圓形凸 出，好似熊耳仔好得意，應該係為咗方便調節位置；塊面膜對我呢種典型菱形臉嚟講，有少少偏細，我額頭比較高，所以近髮際線位置冚唔到，向好方面睇就係唔會整到頭髮；眼部位置開得唔夠大，面膜會冚 到上眼皮，有時啲精華會滲到入眼。

說明話敷完之後唔需要沖洗，直接搽埋skincare 就可以，的確敷完後唔會覺得塊面殘留好多膠質，輕輕按摩就吸收晒，面部保濕度提升，無過敏，最令我驚喜嘅係塊面亮白咗好多，第二日起身面部出油好少，平時朝早都要用少少洗面乳，依家用清水洗一洗就可以，到中午都只係鼻哥位出咗一啲油，用後感良好