INNISFREE

天然能量面膜 - 綠茶

十分感謝 @cosme 邀請試用 INNISFREE 天然能量面膜 Energy Mask (綠茶三片，柚子三片) 。

我抽到嘅綠茶同柚子面膜功效係美白保濕，其中綠茶面膜主要係保濕舒敏同埋改善肌膚乾燥嘅問題，而另一款柚子喺保濕嘅基礎上加上令肌膚可以亮白嘅成分，從而改善肌膚暗沉嘅狀況。
INNISFREE 天然能量面膜可以每日使用，而我收到試用後亦都連續敷咗六晚。

綠茶面膜有淡淡嘅天然綠茶清香，聞落非常之舒服，而每一片面膜嘅精華有22ml，非常足夠浸潤整張面膜紙。

面膜紙十分貼合面型，使用感到舒適，唔會移位，面膜紙剪裁方面做得唔錯。

喺乾燥嘅轉季季節中，我嘅皮膚比較乾燥同埋容易出現繃緊嘅情況，雖然綠茶面膜嘅精華比較水狀，但係我敷完面膜後明顯感覺補水度提升，即使去到第二日，肌膚繃緊同缺水情況有感到好轉，交替使用後，乾燥季節帶來嘅不適又好大嘅改善。最重要嘅係面膜成分天然唔會加重肌膚嘅負擔，十分溫和不刺激。


面膜精華浸潤圖：
面膜貼臉度：
使用後：