Barrier Repair

BICELLE 高滲透納米保濕面膜 - 深層滋潤型

作為一名20多歲的女生，我一直鍾意用日本面膜，最近收到@Cosme試用邀請，試用了這款BICELLE 高滲透納米保濕面膜嘅深層滋潤型，採用獨特的「Bicelle」納米美容膠囊技術，可以迅速滲透並保濕。

我自己皮膚係混合偏乾，咁啱呢排轉季，呢款面膜精華非常充足，拎左塊面膜出黎仲會有好多精華係袋入面！用完除左面膜發現肌膚變有彈性，雖然有啲黏笠感，但皮膚補水效果立刻顯現！第二日起身，肌膚依然保持水潤感，唔會緊繃脫皮。

呢款面膜貼膚度都好好，材質輕薄，對於我塊臉嚟講啱啱好，但可能對於臉型較大嘅男仔就唔太適合。呢款面膜仲有蓋眼設計，如果你唔鍾意可以撕落嚟，個人嚟講唔太鍾意蓋眼設計。

如果你係混合偏乾、乾燥肌，想搵個深層滋潤補水嘅面膜，可以試下呢款面膜！呢款面膜不含香料和刺激成分，對肌膚非常溫和，適合轉季、冬季使用！