Barrier Repair

BICELLE 高滲透納米保濕面膜 - 深層滋潤型

多謝 @cosme 邀請試用 「Barrier Repair 深層滋潤型面膜」。我本身皮膚好乾，經常要敷面膜補水，但工作繁忙，往往返到屋企都仍然有野做，所以必須邊敷mask邊做野，加上大近視又唔戴con，jel mask比較麻煩，因此通常都選擇敷paper mask。「Barrier Repair 深層滋潤型面膜」主打瞬間水潤，長效鎖水，，所以今次試用好岩我需要。
面膜呈半透明狀，質地好薄同幼滑，精華非常多。最特別既係剪裁: 眼位夠大，有切口但唔係全切斷，所以想敷埋眼瞼既sis會覺得好方便，因為唔係全切斷所以方便固定。鼻位同口位距離恰到好處，口位開得夠大，而且口位下方多了一個切口，可以更好地貼合面型。單講剪裁呢方面，比好多專櫃比牌更體貼。
由於要敷住mask戴眼鏡工作，所以習慣paper mask上面後，會戴埋矽膠面膜罩，一來方便戴眼鏡，二來令面膜即使精華又多又重都冇咁容易墜落移位，三來加壓幫助精華吸收，減少揮發。「Barrier Repair 深層滋潤型面膜」由於質地好，剪裁得宜，所以戴埋矽膠面膜罩之後仍然好match(例如唔會睁唔大眼、呼吸不暢，或者遮到嘴唇，講野都唔方便)，呢方面好滿意。
跟指示敷完面膜，就做面部按摩等精華吸收。我本身皮膚容易起粒粒，所以敷完面膜按摩完都必定洗一洗。
至於補水能力，未敷之前好乾，水28%油43%彈性很差。敷15分鐘後，水55%油17%彈性極佳，相當不俗。瞬間補水都做得到。
長效鎖水方面，產品介紹話有需要先後續搽面霜，所以我只係薄薄搽一層乳液。再睇下一小時後效果，係水43%油26%彈性佳，可能我皮膚實在太乾，所以比剛敷完時明顯低左。
朝早起身匆忙，所以冇再做檢測，但感覺頗水潤，不過效果冇睡眠面膜咁明顯。
呢款面膜可以日日用。用左5日之後，膚質整體變化仍未能看出，但冇起粒粒冇紅冇敏感，所以應該夠溫和，岩呢個天氣用。