MENTHOLATUM 曼秀雷敦

LIP PURE OIL 天然植物精華油潤唇膏(無香料)

首先多謝Cosme嘅試用邀請，一次過試用三款潤唇膏。試呢款曼秀雷敦新出嘅潤唇膏，LIP PURE OIL 天然植物精華油潤唇膏（無香料）
以前有用過第一代lip Pure潤唇膏，感覺都唔錯，今次呢隻新款一樣都感覺幾好，呢支係冇香料嘅，同玫瑰果一樣只係爭味道嘅分別，其他幾乎一樣，相對嚟講我就比較喜歡有香味的。
成份100%天然，食嘢飲水都冇問題，唔使抹甩佢，都好方便 。滋潤方面，暫時嚟講依家天氣唔算太乾燥，不過我嘅嘴唇都好易乾燥，所以每日都要用，查完之後如果冇食嘢抹甩的話，都可以維持好耐，滋潤度都OK，唔會好黐立立，作為日常嘅唇部滋潤已經足夠，另外擦完之後嘴唇唔會甩皮，搽上個嘴又比較自然，效果好滿意。質地方面，軟硬適中，來回擦一次，已經足夠滋潤 嘴唇。
潤唇膏嘅蓋係六角型唔會碌走，仲有隻蜜蜂形狀喺個蓋度，好得意。