PANTENE

豐盈防脫頭皮精華

首先很感謝 @Cosme 的邀請，俾機會我試用PANTENE豐盈防脫頭皮精華。今次試用左岩岩好三個星期，都想同大家分享下用後感。

使用體驗

首先，這款精華的質地相對輕盈，可能係因為有酒精成分，所以搽上頭皮時會覺得涼涼地，按摩的時間都唔需要太耐，好容易吸收。另外，佢有陣淡淡的香味，吹頭時會覺得好香，不過唔會last 太耐，唔會令個頭有太多複雜香味。整體的使用體驗係唔錯的，用後唔會頭痕敏感，小驚喜係清爽唔油膩既質感，同之前用開的其他品牌的防脫精華唔同。

每次使用時，我會在洗髮後將精華用滴管滴喺頭皮上。我主要集中頭髮中間界線的部分，因為我最擔心的係呢個部分的頭髮愈黎愈希疏，形成"小鴻溝"🫣。滴左三至五滴後就輕輕按摩，促進吸收。

BEFORE:

效果觀察

經過三個星期的使用，我注意到洗頭時頭髮的掉落情況有所減少，感覺頭髮強健左，冇咁容易脫落！另外，頭皮的健康狀況都有少少改善，沒有出現乾燥或痕的問題，減少因搔癢而導致頭皮刺激同埋掉髮。

新頭髮的生長速度有所提升，特別係染左髮既我，好快就見到新既黑髮長得快左。不過我不能說這款精華能完全解決我的脫髮問題，因為我擔心的髮線希疏問題冇太大改善，髮線附近冇特別生多左頭髮，可能需要更長的使用時間或者配合適當飲食先可以真正改善增髮的情況。

AFTER:
綜合來看，Pantene防脫髮精華係有一定的效果，特別是在減少掉髮和滋潤頭髮強健生長方面。雖然每個人的體質不同，效果可能會有所差異，但我認為值得一試，所以都會繼續使多一段時間。